मां
अेयरकंडीसन कमरै मांय
सुख सेज ऊपरां
जबरी नींद लेंवतां थकां
घणी बार सुणी है म्हैं
थांरी लोरी री तान।
रस भरै
पांच तारै होटल मांय
जीम्यां पछै ई
रोजीनै सुणीजै
उण फूंकणी री मुधरी तान
जकी सूं फूंक मार`र
सिलगांवती थूं चूल्हौ
अर सेकती रोट्यां।
म्हांरै बंगलै री बगीची मांय
खिल्योड़ा गुलाबां सूं खिंडती सौरम
अेकदम फीकी है
उण सौरम रै आगै
जकी आवती
थांरै थेपड़ी थापतै हाथां सूं।
सै-कीं है साव सूनौ
रोळ-गिदोळ
थांरै बिनां मां!
थंनै छोड`र
बाकी सगळा गना
अेक न्यारा ई हिसाब सूं चालै
पण थूं है अेकदम अळगी
वीं जोड़-बाकी
अर गुणा-भाग सूं
म्हांरी मां।
कविता का शत प्रतिशत अर्थ तो नहीं समझा. पर इसके भाव इसकी संवेदना मार्मिक है. विशेषकर ये पंक्तियाँ -
ReplyDeleteम्हांरै बंगलै री बगीची मांय
खिल्योड़ा गुलाबां सूं खिंडती सौरम
अेकदम फीकी है
उण सौरम रै आगै
जकी आवती
थांरै थेपड़ी थापतै हाथां सूं।
यही कह सकता हूँ - माँ ये कैसी मजबूरी है.
- सुलभ
मां तुझे सलाम...
ReplyDelete